8 მაისს, 20:15 საათზე ეროვნული ლიგის მატჩი დინამო ბათუმი – დინამო თბილისი გაიმართება.

შეზღუდვებიდან გამომდინარე, ჩვენ მომხმარებელს უამრავი კითხვა გაუჩნდა, ამიტომაც გადავწყვიტეთ, ყველა საჭირო ინფორმაციისთვის ერთიანად მოგვეყარა თავი და თქვენთვის გაგვეზიარებინა.

1. მატჩს დაესწრება მაყურებელთა 30%

Batumi Stadium – Georgia – ALCHIMICA Project Gallery

ეს შეზღუდვა, რა თქმა უნდა, არსებული სიტუაციების რეგულაციებიდან გამომდინარეობს. ადგილები გადანაწილებულია ჭადრაკული პრინციპით, რაც სრულად შეესაბამება საერთაშორისო სტანდარტებს. ეს მსოფლიოში მიღებული, საერთაშორისო პრაქტიკაა, რაც ხელს უწყობს მასშტაბური ღონისძიებების პანდემიის პერიოდში ჩატარებას.

2. ერთ მომხმარებელს შეუძლია 4 ბილეთის შეძენა;

Tickets tickets arcade loop 2d animation | Motion design animation, Frames design graphic, Motion graphics inspiration

იმის გათვალისწინებით, რომ სტადიონზე დასასწრები ბილეთები შეზღუდულია, ერთ მომხმარებელს საშუალება ექნება შეიძინოს მხოლოდ 4 ბილეთი.

3. TKT-ზე ბილეთის ყიდვისას მონაცემები შეავსეთ 100% სიზუსტით;

თქვენს მიერ TKT-ზე ბილეთის ყიდვისას შეყვანილი ინფორმაცია გამოიყენება საშვის დასაგენერირებლად, ამიტომ გთხოვთ სრული სიზუსტით შეავსოთ მოთხოვნილი ინფორმაცია.

აქვე, გაითვალისწინეთ შემდეგი:

1. ბილეთის ყიდვისას, აუცილებელია შეიყვანოთ სახელი, გვარი, პირადი ნომერი, დაბადების თარიღი, მეილი და ტელეფონის ნომერი; თუ მანქანით გადაადგილდებით მანქანის ნომერი ლათინურად;

2. ერთ შეკვეთაში მაქსიმუმ ოთხი ბილეთის შეძენა შეგეძლებათ. გაითვალისწინეთ, რომ აღნიშნული ბილეთი სახელობითია და აუცილებელია თითოეული პირის მონაცემები იყოს შეყვანილი 100% სიზუსტით;

3. იმისთვის, რომ ყველა საჭირო ინფორმაცია დროულად შეიყვანოთ პროგრამაში, ბილეთის შეძენისთვის საიტზე დრო – 10 წუთი გაქვთ;

4. ინფორმაციის სწორად შეყვანის შემთხვევაში, თქვენი მონაცემები გადაეგზავნება შესაბამის სამთავრობო უწყებას, რომელიც გასცემს თქვენს სახელზე საშვს;

5. საშვი ვალიდური იქნება 8 მარტის 00:00 საათამდე, რაც შესაძლებლობას გაძლევთ, მატჩის შემდეგ, სახლში დროულად დაბრუნდეთ;

6. გაითვალისწინეთ, რომ საშვის გაცემის დამადასტურებელი შეტყობინება არ გამოგეგზავნებათ, თუმცა მატჩის დღეს ბილეთის ყიდვისას სწორად მითითებული ინფორმაციის საფუძველზე თქვენს სახელზე სისტემაში საშვი დაშვებული იქნება;

7. ავტომობილის გამოყენების შემთხვევაში, ბილეთის ყიდვისას მომხმარებელმა უნდა მიუთითოს იმ ავტომობილის მონაცემები ლათინურად, რომლითაც თამაშის დღეს გადაადგილდება;

8. ყველა არსებული რეგულაცია ვრცელდება არასრულწლოვან პირებზეც;

9. სოციალური დისტანციის დასაცავად, აუცილებელია, ყველა გულშემატკივარმა დაიკავოს ბილეთზე მითითებული ადგილი;

10. არასწორად შეყვანილი მონაცემების ცვლილება არ არის შესაძლებელი;

4. მატჩის დღეს თან იქონიეთ პირადობის დამადასტურებელი მოწმობა !

მატჩის დღეს აუცილებლად თან იქონიეთ პირადობის დამადასტურებელი მოწმობა, პასპორტი, მართვის ან დაბადების მოწმობა, რადგან კომენტის საათის პერიოდში მარტივად გადამოწმდეს თქვენი საშვი და პრობლემა არ შეგექმნათ გადაადგილებისას.

არ დაგავიწყდეთ სტადიონის ტერიტორიაზე სავალდებულოა პირბადის ტარება თქვენი და დანარჩენი მაყურებლების უსაფრთხოებისთვის.

სტადიონის შესასვლელები გაიღება რამდენიმე საათით ადრე და ამასთან დაკავშირებით შეტყობინებას მითითებულ მობილურის ნომერზე მიიღებთ. გირჩევთ, მატჩის დაწყებამდე რამდენიმე საათით ადრე მისვლას, რათა თავიდან აირიდოთ რიგი და აუცილებლად ისარგებლეთ ბილეთზე მითითებული შესასვლელით. 

ეროვნული ლიგა | დინამო ბათუმი – დინამო თბილისის მატჩი 8 მაისს 20:15 საათზე გაიმართება.

უგულშემატკივრეთ თქვენს რჩეულ გუნდს ბათუმის ახალი სტადიონიდან !

სასიამოვნო დროის გატარებას გისურვებთ.

მატჩის ბილეთები აქ: TKT.GE/DinamoBatumi

მსგავსი სიახლეებისხვა სიახლეები