პირველი, რაც ფეხბურთის მოყვარულთათვის La Liga-ს უკავშირდება, ეს ბარსელონასა და მადრიდის რეალს შორის მეტოქეობაა და ამაზე ხშირად მოგვისმენია გულშემატკივრების დაუსრულებელი დავა, თუ რომელი კლუბი უკეთესია და მოდი, შევთანხმდეთ, რომ მათი თამაშის ყურება ერთი დიდი სიამოვნებაა, თუმცა ჩვენ ამაზე არ ვისაუბრებთ და უბრალოდ, La Liga-ს შესახებ რამდენიმე საინტერესო ფაქტს გაგაცნობთ.
და ასევე, ისიც გვინდა გითხრათ, რომ ეს ბლოგი ამ თემას ტყუილად არ ეხმაურება, ჩვენთან, ახლა უკვე შეგიძლიათ ლა ლიგას თამაშებზე დასასწრები ბილეთების შეძენა, დიახ, მეტი ინფორმაციისთვის კი, შეგიძლიათ ამ წინადადებას დააკლიკოთ.
1. მადრიდის რეალს ლა ლიგის ყველაზე მეტი ტიტული ეკუთვნის
2024 წლის მონაცემებით, მადრიდის რეალს ესპანეთის ლა ლიგის ყველაზე მეტი ტიტული აქვს მოგებული – ისინი, არც მეტი, არც ნაკლები, 35-ჯერ არიან გამარჯვებულები. ისიც აუცილებლად უნდა ითქვას, რომ ლა ლიგის ყველაზე დამსახურებულ გუნდებს შორის, ასევე არიან ბარსელონა და მადრიდის ატლეტიკო.
2. პირველი ლა ლიგა კი – ბარსელონას გამარჯვებით დასრულდა
მიუხედავად იმისა, რომ ლა ლიგის ყველაზე ხშირი გამარჯვებული მადრიდის რეალია, ბარსელონას გულშემატკივრებს სულ მინიმუმ იმით შეუძლიათ იამაყონ, რომ ისინი პირველი ჩემპიონატის გამარჯვებულები არიან. ლიგა 1929 წელს დაარსდა და ესპანეთის უმაღლესი საფეხბურთო ლიგის პირველი თამაში ბარსას გამარჯვებით დასრულდა. ამან კლუბი იმ გზაზე დააყენა, რომ გამხდარიყო ერთ-ერთი საუკეთესო გუნდი არა მხოლოდ ესპანეთში, არამედ მთლიანად ევროპაში.
3. 2013 წლიდან 2019 წლამდე ლა ლიგა ევროპის საუკეთესო საფეხბურთო ჩემპიონატი იყო
უეფას რეიტინგის მიხედვით, ლა ლიგა ევროპის უმაღლესი ლიგის სტატუსს, არც მეტი, არც ნაკლები, 7 წელი ინარჩუნებდა. ამ 5 სეზონის განმავლობაში ბარსელონამ და მადრიდის რეალმა მოიგეს უეფას ჩემპიონთა ლიგა, სუპერთასი და ევროპის ლიგა. ასევე, ამ პერიოდის განმავლობაში, ლა ლიგას ჰყავდა ყველაზე მეტი მოთამაშე, რომელთაც მოიგეს ოქროს ბურთი და მიიღეს როგორც უეფას წლის მამაკაცის მოთამაშის, ისე ფიფას საუკეთესო მოთამაშის წოდება.
4. ჯუდ ბელინგემი ლა ლიგის ყველაზე ძვირადღირებული მოთამაშეა
Transfer Market-ის მიხედვით, ინგლისელი ჯუდ ბელინგემი ლა ლიგის ყველაზე ძვირადღირებული მოთამაშეა, მისი საბაზრო ღირებულება 180 მილიონი ევროა. ამ მონაცემებით, მეორე ადგილზეა ბრაზილიელი ვინისიუს ჯუნიური, რომელიც ასევე მადრიდის რეალში თამაშობს, საბაზრო ღირებულებით – 150 მილიონი ევრო. ყველაზე ძვირადღირებულ მოთამაშეთა 5 საუკეთესო ადგილს, სწორედ მადრიდის რეალის მოთამაშეები იკავებენ.
5. ლიონელ მესი ლა ლიგის ყველაზე მეტი ჰეთ-თრიქისა და ასისტის რეკორდსმენია
ლიონელ მესიმ, ლა ლიგაში თამაშის დროს 36 ჰეთ-ტრიქი შეასრულა და ამით ლა ლიგის ისტორიაში, სრულ რეკორდს ხსნის, ხოლო მისი საგოლე პასების რაოდენობა კი, არც მეტი, არც ნაკლები 193-ია.
მესის შემდეგ, კრიშტიანუ რონალდოა ის მოთამაშე, რომელსაც მესიზე ორით ნაკლები, 34 ჰეთ-თრიქი ეკუთვნის.
ბლოგის ბოლოს კი, მაინც გეტყვით, რომ ლა ლიგაზე დასასწრები მატჩის ბილეთი tkt.ge – ზე შეგიძლია შეიძინო, დაესწრო შენი საყვარელი კლუბის თამაშს და წარუშლელი შთაბეჭდილებით დაბრუნდე.
