ამ ბოლო დროს, ძალიან მოგვწონს ბლოგების ცნობილი ციტატებით დაწყება და ამჯერად, ერთ-ერთი ჯაზ-შემსრულებლის, სტეფონ ჰარისის სიტყვებს მოვიშველიებთ: “იტალია კერძებით გამოირჩევა, ბარსელონა კი – ენერგიით”. არა, იტალიისა და ესპანეთის შედარებას არ ვაპირებთ, აქ მხოლოდ სასარგებლო რჩევებს მოგცემთ, თუ ბარსელონაში აპირებ დასვენებას.
თუ მოგზაურობას გეგმავ და გეზი სწორედ ამ ქალაქისკენ გაქვს აღებული, მაშინ იმასაც გეტყვით, რომ თუ ავიაბილეთს 31 მაისის ჩათვლით შეიძენ და გადახდას Visa პრემიუმ ბარათით განახორციელებ, მაშინ 200 ლარის ფასდაკლებას მიიღებ. რაც, ძალიან კარგი იდეაა.
როდისაა საუკეთესო დრო ბარსელონაში წასასვლელად?
ბარსელონაში, ისევე, როგორც ჩვენს დედაქალაქში, საკმაოდ ცხელი ზაფხული იცის, ამიტომ, გირჩევდით ივლისი-აგვისტოსგან თავი შეიკავოთ და მას უფრო გაზაფხულისკენ, აპრილსა და მაისში ესტუმროთ. ამ დროს ქალაქში სასიამოვნოდ თბილა.
ახლა კი საქმე – 7 სასარგებლო რჩევა:
1. შეუკვეთე ვერმუტი და კავა (Vermouth and Cava) ბარში
ბარში შესულს, სასმლის შეკვეთისას, შეიძლება ავტომატურად სანგრიას შეკვეთა მოგინდეს, თუმცა თუ დაგვიჯერებ, ვერმუტი შეუკვეთე, ბევრად განსხვავებული, არომატული და სასიამოვნო გემო აქვს.
2. არ წახვიდე La Barceloneta სანაპიროზე
ეს ცნობილი სანაპირო ინტერნეტის ფოტოებში ასე გამოიყურება:
თუმცა იქ მისულს, აი ეს “გაუგებრობა” დაგხვდება:
სწორედ ამიტომ, გირჩევთ ამ სანაპიროს თავი აარიდო და მის ნაცვლად, სხვა ადგილს ეწვიო საბანაოდ და რუჯის მისაღებად. ჩაინიშნე: Bogatell, Nova Icária, Sant Miquel, და Mar Bella.
3. ხედების სანახავად ფული არ გადაიხადო
ხშირად, უცხო ქალაქში ჩასულს, ტურისტებს მთავარი შეცდომა მოგვდის: იმისთვის, რომ ხედებით დავტკბეთ, თანხას ვიხდით (და ეს თანხა არასდროსაა ცოტა). ამ შემთხვევაში გეტყვით რამდენიმე ადგილს, რომელიც შეგიძლია მოინიშნო და ბარსელონას პანორამული ხედით, უფასოდ დატკბე:
- Les 3 creus
- Montjuïc
- El Corte Inglès
- Mirador baterías antiaéreas
- Las Arenas panoramic terrace
4. მიეცი თავს უფლება და დაიკარგე გოთური კვარტალში
შენს Google Maps აპლიკაციაში შეიყვანე გოთური კვარტალი : gothic quarter და მთელი ეს ტერიტორია ფეხით მოიარე. აქ სეირნობისას გადააწყდები ძალიან საინტერესო დეტალებს, რომელიც ამ ქვეყნის ისტორიის უმნიშვნელოვანესი ნაწილია. შეგხვდება ავგუსტუსის ეპოქის რომაული ტაძრების სვეტები, საკათედრო ტაძარი, გოთური ეპოქის მოედანი, სამეფო სასახლე და ა.შ.
5. აუცილებლად დალიე Bar Marsella-ში
ამ ბარში დალევა და დროის ტარება უყვარდა სალვადორ დალისა და ერნსტ ჰემინგუეის. ასეთი ბარები ძალიან ნოსტალგიურია და განსაკუთრებით მაშინ, როდესაც დროის გასვლის მიუხედავად, მისი ინტერიერი უცვლელია.
6. ღამის კლუბებში ადრე მიდი
ქართველებისთვის, კლუბში ადრე მისვლა წარმოუდგენელია, თუმცა ბარსელონაში თუ ღამის კლუბში ცოტა ადრე, თორმეტის ნახევრისკენ მიხვალ, შესვლის საფასურს არ გადაიხდი.
7. არ იყიდო წყალი
მსგავსი “წყლის შადრევნები” თითქმის მთელ ქალაქშია განთავსებული და აქედან წყლის დალევა სავსებით უსაფრთხოა. თუ ზაფხულში აპირებ ამ ქალაქში მოგზაურობას, ვფიქრობთ, ეს რჩევა გამოგადგება და ფულსაც დაზოგავ.
ამ ბლოგის ბოლოს მაინც შეგახსენებთ, რომ 31 მაისის ჩათვლით შეგიძლია შეიძინო ბარსელონას მიმართულებით ფრენის ბილეთი და თუ Visa პრემიუმ ბარათით გადაიხდი, 200 ლარიან ფასდაკლებას მიიღებ.
აბა შენ იცი, საოცარი მოგონებებით სავსე მოგზაურობა გვისურვებია 🙂
